Репетиторы по древнегреческому языку в Бресте

О себе ⭐

У маім жыцці дзве жарсці: выкладанне і мовы. У школе я палюбіў англійскую. У 17 гадоў захацеў прачытаць Біблію ў арыгінале і пайшоў вучыць лаціну і старажытнагрэцкую. Калі пісаў дысертацыю, зразумеў, што мова - гэта больш пра камунікацыю і зносіны, і стаў выкладаць рыторыку. Яшчэ вывучаў італьянскую, літоўскую і іўрыт. Чаму я люблю выкладаць? Што такое выкладанне? Ведаеце, колькі гэта дае энергіі і шчасця? Шчасце, калі ты бачыш, як твой вучань расце, і ў яго нешта атрымліваецца. Гэта не залежыць ад сферы. Ці ён са здзіўленнем пазнае лацінскія карані ў іншых мовах, ці пачынае чытаць фрагменты Авідзія і біблейскіх тэкстаў, ці пачынае весела гаманіць на роднай мове, ці свабодна глядзіць у вочы слухачам у публічным выступленні. Навучанне - гэта не проста пра веды. Гэта пра асабісты рост, матывацыю і асэнсаванае жыццё. Так, мой стыль выкладання больш падобны на коўчынг. Дапамагу вам: - навучыцца лёгка і прыгожа размаўляць на беларускай мове; - быць упэўненым і пераканаўчым; - смела выступаць перад любой аўдыторыяй; - вывучыць і палюбіць лацінскую і старажытнагрэцкую мовы. Пра мяне: - філолаг-класік - кандыдат філалагічных навук, дацэнт. - аўтар падручнікаў па лацінскай мове - напісаў манаграфію па гісторыі рыторыкі ў XVII ст. - стаж выкладання +20 г. (з іх 15 г. -- у БДУ) - больш за 120 чалавек навучыліся прамоўніцкаму майстэрству па маёй методыцы.